გოგრის ბლინები : დუკანური რეცეპტი

დაშვებულია მეორე ფაზიდან. არის 1 დღის ულუფა

ინგრედიენტები:

• მოხარშული გოგრის რბილობი 3 ს/კ
• 1 ც. კვერცხი
• 1 ს/კ სიმინდის სახამებელი
• 2 ს/კ შვრიის ქატო
• 2 ს/კ 2%მდე ცხიმიანობის მაწონი
• 1/2  ჩ/კ გამაფხვიერებელი
• ვანილი, შაქრის შემცვლელი, დარიჩინი გემოვნებით

მომზადების წესი:
მოხარშული გოგრის რბილობი დააბლენდერეთ ან ჩანგლით დაჭყლიტეთ. დაუმატეთ დანარჩენი ინგრედიენტები. მიღებულ ბლინის ცომს დააცადეთ 10-15 წუთი,რომ ქატო გაფუვდეს.  

კარგად გაახურეთ ტაფა, ქაღალდის ხელსახოცით მოუსვით რამდენიმე წვეთი ზეთი და დაასხით ბლინის ცომი.

 შეწვით ორივე მხრიდან დაბალ ცეცხლზე.

გემრიელად მიირთვით!